من قصص فياض الغلا

السلام عليكم ورحمة الله وبعد هذه قصة وقعت لي من زمن ليس ببعيد أحببت ان اطرحها بين ايديكم لعل فيه ما يشرح الصدر ويونس الروح .... وتقبلو شكري لكم


في مرة من المراة كنت متضايق موت موت وكان من عادتي اني اطلع للبر في مكان خلي مابه من البشر احد ومافيه لا طير ولا ضب حتى السحلية ما ابي اشوفها المهم كنت ادوج في الديرة وكنت أسمع أغنيه لمحمد عبده يامدور الهين ترا الكايد احلى ومنسجم مع الغنيه ومالي خلق انس ولا جان
المهم طلعت للمكن اللي متعود عليه وكان وقت برد وامطار وكنت لابس مشلح وثوب ابيض
وصلت لمكاني اللي انا ابي وفرشت الفرشة ونزلت العزبه من الشنطة وشبيت النار وركبت البريق والدلة وقعدة افكر عاد تخبرون اذا صار الوحد متظايق يعني يقعد يخنبق ما يدري وش يقول
وطلعت بفكرة اني اخذ الحصى اللي حولي وابني بيت مو بيت كبير يعني غرفه مسكين ما يدري وش يسوي المهم صدق الا قمت وجمعت الحصى وبديت ارصه على بعض هااااااه فاحت الدله جيت لها ولقمتها وحطيتها حول الضو ثم رجعت لشغلي شوفو هذا من الفراغ والكلام كله باليل يوم ما عاد لقيت حصى قمت وشغلت النور اللي كان معي على البطاريه وعلقته على السيارة ورحت أجمع الحصى لين صار رفع الجدار حول رفع السيارة ولاحظ النور الا يوم طاح من معلاقه قلت يمكن هواء والا اني ما علقته زين ورحت برجع النور مكانه الا يوم انصك الكبوت حق السيارة وانا اللي انغرف عقلي وبغيت اطير من الروعه واطمر هاك الطمرة والله واركب رجولي لو اني في سباق قفز الحواجز ما لحقوني يوم فكرة بعقلي قلت ارجع ياولد انت منتب جبان ورجعت يوم صرت حول السيارة بداء قلبي يرجف وركبي تهز واسمي بالرحمن وطلعت بيتين من الشعر الخواف اقول فيها:

ياهوه ياحر يدوج بلا عقل و ميزان
في قفر خلي وانا راعيه وخويه

اسمع اذا كنت انسي او من الجان
انا انسي وفيني شر ستين جنيه

احذرك ترا مابه غيري يشاف بالعيان
اما انك اقلط او امش بدون روعات خفيه


على فكرة ترا الجن يخوفون من الانس اللي بس يخاف منهم عشان كذا اذكرو الله دايم..

المهم أحمدو ربكم ما طلع الا الشعر ما طلع شين ثاني أحم أحم عاد يوم هجد الوضع بعد الروعة وجلست وكن جاني خمول بعد اللي شفته قلت يا ولد تقهو وعين خير
وانا اتقهوا واناظر الجدار اللي سويته قلت لزوم أكمله غرفه وانا من النوع العنيد اذا حطيت شي براسي أسويه المهم فلق الصبح وضفيت عفشي ومشيت وصرة كل يوم اجي للجدار اشتغل فيه لين صار غرفه فيها كل شي دريشه ومروحة وشغلات تعجبكم رحت ورجعتلها بعد يومين هااااه لا تنسون سالفت النور اللي طاح عاد يوم رجعت لغرفتي مبسوط وكان معي ابوي مستانس ابوريه الغرفه يقالك من زود الوناسه باني ناطحة سحاب المهم والقى واحد فيها حاط خرفانه حول الغرفه ومستحل غرفتي ومخليها مسكن للعامل حقه انا طارة شياطيني وقلت للبنقالي انت وين كفيلك قال مافيه معلوم المهم قال ابوي مشيانا وخل الغرفه لهم قلت والله ما اتركها لواحد ما يستاهل شوي والا جاء البدوي راعي الغنم وانشب فيه قلت انت الحين ماخذ حلالي وجايب غنمك في مراحي
قال انا فيه من يجي شهر شفتو الكذوب المهم حامت كبدي وقلت له في بيتين..

انت راعي غنم والفرق ما فيش
انت والبهم في مثل الاحوالي

اكيد ما فيك عقل والحيا شيش
وتاخذ من صفات الحمير افتعالي

اذا انت صاحي ومابك خرافيش
عساك للزاير اللي هاك اليوم جالي

جنن اسود من وحوش العتاريش
يأخذ روحك من طويل الاجالي

المهم تناشبنا مابين لكمه ورفسه لين طردته هو وغنمه وابشركم بسبب الغرفة تملكت الارض وصارت لي ....

فياض الغلا

ههههههههههههههههههههههههههاااااااي روووعه فياض اسلوبك حلو بالطرح
بس اشتهيت اشوف الغرفه
جيب لنا صوره لها

ههههههههههههههههههههههههههههههههههههه


ميت من الزحك الله يروووووووجك

ههههههههههه

اسلوب حلو ومميز وارنا المزيد تقبل مروري يالمهبول وجب الصوره لجبوره خلها تشوف مزرعتك

الله من زين المزرعه عاد ثلاث نخلات ويابسات من كثر الماء هههههههههههههههههه

الله يدوم عزك
تقبل مروررررررررري

ونفسي اشوف الغرفه

تسلم مت من الزحك ههههههههههههههه

الشووووووووووووق
وكلك ذوق