مظلومية الشعب المصري‏‏

مظلومية الشعب المصري‏‏

--------------------------------------------------------------------------------

مشهد 1

فـول وجـاز

عم محمود بتاع الفول في أحد الشوارع العامرة

يقف وحيدا فريدا شريدا خاليا من الزبائن

في وقت من المفترض أنه عز شغله..

رحت أشتري منه فكأنه رأى المنقذ والملاذ..

انفجر شاكيا: الناس راحت فين؟

اللي كان بيشتري بجنيه بيشتري بنص جنيه

أمال لما الناس ما تاكلش الفول أرخص حاجة.. هتاكل إيه؟؟
منّه لله.. الله يحرقه بجاز هو وابنه

مشهد 2

أتوبيس نقل عام أم تاكسي؟؟

وقفت أحسبها مع نفسي: مجهد، متأخر..

لا أستطيع بأي حال من الأحوال ممارسة رياضة الشعلقة في أتوبيس نقل عام

ناهيك عن رياضة الدفع والجذب

وكتم الأنفاس لتقليص حجمك ليحتويك أصغر مكان ممكن

ولكن!! سوف يحدث خلل نقودي نتيجة ركوب التاكسي
غامرت.. أشرت لتاكسي: الحسين يا اسطي..

توقف فركبت.. كل سنة وأنت طيب..

رد باقتضاب: طيب.. نظرت لنفسي

لعلي أجد في منظري ما يدفع لهذا التجهم وتلك الحالة من النفور

فلم أجد غير منظري العادي الذي تعود عليه الخلائق قاطبة من يوم مولدي

الذي ابتليت به البشرية جمعاء

فحاولت الاستفسار: مالك يا أسطى؟

رد: هوّ الأخ مش م البلد دي؟

البنزين غلي وأسعار كل حاجة نار..

لحمة العيد ماعرفتش أجيب لعيالي لحمة زي كل سنة

والإسم إني سواق تاكسي وباكسب..

التعليم والسكن والعلاج

أنا عندي 3عيال مش عارف أوفي قوت يومهم

والأنكد ييجي ظابط معفن يسحب الرخص..

والله بدون أي سبب..

لمجرد ان شكلي مش عاجبه..

نروح فين يا ربي ونيجي منين؟

معلهش يا أسطى وحد الله..

رد: لا إله إلا الله بس معلهش متنفعش هي اللي عملت فينا ده
أطرقت وطاف بي الفكر في الزمن الغابر

وحضر أمامي محامي الفقراء أبو ذر رضي الله عنه وهو يقول:

عجبت ممن لم يجد قوت يومه كيف لا يخرج على الناس بسيفه

مشهد 3

حرية رأي أم قمع وإرهاب؟

تكتب؟.. مجرم

تفكر؟ معادي للحكم

تدعو للتغيير؟.. عميل وخائن وإمبريالي وجاسوس

أنا متشيع.. ممنوع

فلان اجتهد.. يحبس

هناك تبرعات تبنى لبناء مستشفى أهلي تابع لمسجد.. تمويل إرهابي

مظاهرة ضد التعذيب في أقسام الشرطة..

ألو أرسل قوات مكافحة الشغب فورا واعتقل الجمييييييييييييع

أمسكت برأسي وقولت

ربنا يصبرنا على ما بلانا

[img]